السلام عليكم

:/االالا/:

اليوم يوم مثل كل يوم

والجديد انى بقيت وسطكم واختارت اكون معاكم بس مش فى اقسام المنتدى كلها

انا وجودى هنا مرتبط بقسم مزكراتى

لان دا القسم اللى انا مشترك عشانه

وحاسس ان فيه هرتاح وهقدر احكى عن كل حاجه جوايا

اولا انا اسمى الحقيقى مش ابو برعى

لان انا عمرى 17 سنه وبدرس يعنى مش مرتبط

بس هقولكم ان شاء الله حكايه اسم ابو برعى دى فى الايام القادمه

طبعا انا عربى زيى زيكم وكلنا عرب ومهما اختلفت البلاد الاحاسيس والمشاعر مش بتختلف

واكيد ليا قلب زيكم بس للاس انجرحت واتمنى محدش فيكم يمر بالظروف دى

انا خريج مدرسه الحب

اتخرجت منها يوم 20 _2_2010

دراستى الان بدرس فى دستور الحزن وقوانين الدموع

ان شاء الله اكون ضيف خفيف عليكم

وانتظروا كل مواضيعى فى قسم مزكراتى

اولا اهلا وسهلا بيك فى منتدانا

باذن الله تقدر تنبسط مع اخوانك فى المنتدى

بصرف النظر عن اى حاجه مريت بها

لان الواحد ديما فى حياته بتمر عليه حاجات كتير

وزى مافيه حاجات كويسه برضو فيه حاجات مش كويسه

وعشان نحس بالحاجات اله اللى بتحصلنا لازم ننجرح ونحزن وهيا دى سنه الحياه

انا مش هقدر اقولك احنا هنسيك كل حاجه معانا

بس هقولك هنحاول ان احنا برجعلك لحياتك الطبيعيه من غير حزن

وشويه شويه هتكون مبسوط

وعايزه اقولك حاجه كمان كل حاجه بتتولد صغيره وبتكبر

الا حاجه واحده هيا الحزن بتولد كبير وبيصغر

تشرفنا كتير بدخولك منتدانا

انا وجودى هنا مرتبط بقسم مزكراتى

لان دا القسم اللى انا مشترك عشانه

وحاسس ان فيه هرتاح وهقدر احكى عن كل حاجه جوايا



اهلا بيك منور قسم مزكراتى ومنور كمان المنتدى كله

وبانتظار مواضيعك فى قسم مزكراتى

اللى حنتعرف منها ع شخصيتك يااااا لغز

واتمنى انك ترتاح فعلا لما تحكى

يمكن تبطل دراسه ف دستور الحزن والدموع

وتدرس السعاده والامل عشان حتلاقيها احلى بكتييييير

وف الاخر مافيش حاجه ف الدنيا تستاهل الحزن