amrzizo •-«[ عضو فعال ]»-•
المدينة : egypt الجنس : عدد المساهمات : 27 MY SMS :
| موضوع: مقارنة بين الشاشة العادية وال LCD الجزء الثانى الثلاثاء مارس 16, 2010 7:08 pm | |
| التباين ( CONTRAST ) : والمقصود فيه اعلى درجة للون الأبيض واعلى درجة للون الأسود تقدر تقدمه الشاشه .. وكل مازاد هالمعدل زادت قدرة الشاشه على إظهار التفاصيل بالصوره بشكل افضل .. ومن ناحية التباين شاشات البلازما قدرت توصل لدرجه عاليه جدا من إظهار اللون الأسود توصل 3000:1 ماقدرت توصل لها شاشات LCD اعلى رقم وصلت له 1000:1 بس طبعا مو معناته ان LCD سيئه هي تقدر تعطيك نتيجة اكثر من كافيه بالنسبه لدرجة للون الأسود
دقة الألوان ( COLOR SATURATION ) المقصود فيها قدرة الشاشه انها تعرض جميع الألوان بمختلف تدرجاتها بصورة دقيقه ومطابقه للواقع .. بالنسبه للميزه هذي شاشة البلازما تتفوق فيها ايضا كونها تقدر تعرض لنا كل الوان الطيف وعددها 16.77 مليون لون بدقه عاليه جدا لكن شاشات LCD فيها ميزه انها تتمتع بكثافه نقطيه اكبر بكثير من شاشات البلازما بمعنى انك لو تقرب مره من شاشه LCD ماراح تلاحظ نقاط صغيره على نفس الشاشه بالتالي تكون فيها الألوان متشبعه اكثر
زوايا الرؤيه ( VIEWING ANGLES ) شاشات البلازما لها زاوية رؤيه كبيره تصل الى اكثر من 160 درجه بمعنى انك تقدر تشاهد الشاشه من اي مكان بالغرفه ومن اي زاويه بنفس الدقه والوضوح .. اما شاشات LCD ممكن ان الرؤيه تكون خافته نوعا ما لو جلست في زاوية مايله كثير عن الشاشه وعلى شان تحصل على افضل رؤيه من المهم انك تكون مواجه للشاشه او جالس بزاويه مايله نسبيا
زمن الاستجابة ( RESPONSE TIME ) كل ماكان الزمن اقصر كانت فعالية الشاشه افضل خصوصا في عرض مشاهد الأكشن السريعه والعاب الكمبيوتر وفي هالجانب تتفوق شاشات البلازما يوصل زمن الاستجابه الى 7Ms لكن حاليا LCD متساويه معها تقريبا بس مو في كل الأنواع
مدة الحياة ( LIFESPAN ) مثل ماذكرت بالبداية ان شاشات البلازما تعتمد على غاز في آلية عملها مشكله هالغاز ان له عمر افتراضي يقدر 3000 -2500 ساعه عمل بعدها تضعف الشاشه ويقل سطوعها بكشل كبير .. وبما ان الغاز ماله طريقه إعاده تعبئه بهالحاله تنتهي حياة الشاشه مع إنتهاء العمر الإفتراضي للغاز .. اما شاشات LCD بما انه فكرة عملها تعتمد على الضوء بشكل اساسي يقدر عمل مصابيح الضوء فيها الى 60000 ساعة عمل وبما ان هالمصابيح ممكن تتغير يصير العمر الإفتراضي للشاشه غير محدود ابدا
استهلاك الطاقة ( POWER CONSUMPTION ) ماتقارن شاشة LCD مع البلازما في هالنقطه فهي تستهلك شي بسيط جدا من الطاقه بينما البلازما تستهلك ضعف استهلاك شاشة LCD
مستوى الإشعاع الناتج ( RADIATION LEVELS ) وهذي من اهم نقاط الفروق واللي قلت في البدايه ركزو فيها وهي الإشعاعات الضاره اللي تصدرها الشاشه .. وفي هالنقطه شاشة LCD ماتصدر اي اشعاع ضار ابدا لانه مايصدر منها إلا الضوء .. اما شاشات البلازما لانها تصدر اشعة فوق بنفسجيه تكون ضاره نسبيا ولو انها اقل من اللي يصدر من التلفزيونات العاديه | |
|