malak elhob •-«[ إداري ماسي ]»-•
الجنسية : المدينة : Alexandria الجنس : عدد المساهمات : 2698 العمل/الترفيه : college student MY SMS :
| موضوع: جزمة سندريلا 2008 الثلاثاء يونيو 09, 2009 12:37 am | |
| مرات الاب : بت يا سندريلا اصحى يا بت جاك خابط فى نفوخك
سندريلا : اييييه يا مرات ابويا خمسه وحقوم
مرات الاب: قومى يا بت قامت قيامتـك
وصحيت سندريلا وهى بتأفأف .. كان لازم يعنى اسهر عشان اسمع اللى اسمه اسامة منير ده !!!
مرات الاب : يللا قومى اكنسـى وامسحى على ما نيجى
سندريلا : وانتو رايحين فين ومتزوقين كده وكل واحده عامله نيو لوك
مرات الاب : رايحين حفله الامييير اللى حيختار واحده عشان يتجوزهـا
سندريلا : خدونى معاكو انا عاوزه اروح .. بليييييز
مرات الاب : تروحى فين يا معفنه بلبسك المهرول ده انا عايزه ارجع الاقى البيت بيبرق
ومشيت مرات الاب وبناتها التلاته وقعدت سندريلا تعيـط وفجــأه طلعتلها الســاحره من الميكروويف ....
الساحره : مالك يا سندريلا ؟؟
سندريلا : كان نفسى اروح معـاهم الحفله بس لبسى مقطع و موبايلى كارت ولابسه شبشب بصباع
الساحره : ولا يهمك وطلعت من جيبها الموبايل وطلبت الاتيليه بتاع مدام لولو يبعتو فستان وجزمه اخر موديـل
فرحت سندريلا ولبست وحطط الآي شادو و الجليتور ورشت البرفان بس الساحره قالتلها : قدامك للساعه 12 لازم ترجعى احنا صعايدة ودمنا حامى ومعندناش بنات تتأخر و لو اتأخرتى حترجعى زى ما كنتى بلبسك القديم وسط الناس
سندريلا : حاضر حاضر اما ساحره رجعيه صحيح !!
خرجت سندريلا من البيت لقت الساحره مجهزة الـ Bmw
ركبت سندريلا وراحت ع القصـرولفت جمــالها كل اللى موجودين و اول ما عين الامير وقعت عليها راح وطلب يرقص معاها و وافقــت
نظرات ... همسات .... صمــت
ترررررررررن ترررررررررررن
سندريلا : دى الساحره بتدينى ميسد .. يا خبر الساعه 12 وقامت طالعه تجرى قوم ايه وهى بتجرى فرده الجزمه اتخلعت خدها الامير المعجب و نادى للوزير
الامير : يا وزير تـامر
الوزير : امرك يا باشا !!
الامير : خد الجزمه دى اسحبلى صورتها اسكانر و نزل صورتها فى كل الجرايد و ع الويب سايت بتاع القرية ..
واكتب على صاحبه هذه الجزمه التوجه للقصـر الملكــى
بنات كتير جدا راحو و يا سبحان الله الجزمه مجتش على مقاس حد فيهم (قال يعنى سندريلا رجليها رجل معزه )
الى انا شاهدت سندريلا الاعلان عن فرده الجزمه على ميلودى هيتس وقامت بالتوجه الى القصر وتزوجت هى والامير وعاشوا فى تبات ونبات و خلفو توأم ملتصق وشويه بنات منقول | |
|
admin
•-«[ المـديـــــر العـــام ]»-•
الجنسية : المدينة : دمياط الجنس : عدد المساهمات : 3379 العمل/الترفيه : طالب بكليه الإعلام MY SMS : [table style="WIDTH: 190px; HEIGHT: 90px" border=1][tr][td]
[/td][/tr][/table]
| موضوع: رد: جزمة سندريلا 2008 الأحد يوليو 05, 2009 2:36 pm | |
| ههههههههههههههههههههههههههههههه ثانكث | |
|
kelobatra •-«[ عضو فعال ]»-•
الجنسية : المدينة : دمياط الجنس : عدد المساهمات : 19 MY SMS :
| موضوع: رد: جزمة سندريلا 2008 السبت أغسطس 15, 2009 10:46 am | |
| بجد تحفه ليكى كتير | |
|