موضوع: طبق اليوم مع فراشه الوادى الخميس مارس 12, 2009 11:54 am
ازيكم يا ين ومرحبا بكم فى برنامجكم المفضل طبق اليوم مع فراشة الوادى
النهاردا هقدم لكم طريقة عمل الفينووو اول حاجة نجيب 3 كيلو دقيق بس دقيق زيرو من ابو تلاتة جنيه وربع مش نسترخص بقى ونروح نجيب دقيق بلدى من الوحش دا يع ونجيب ورقة خميرة وكمان 2 كباية لبن ومعلقة عسل اسود وشوية ملح صغيرين خالص يعنى ربع معلقة كدا و2 معلقة سكر بس سكر التموين ممنوووع هااا ونجيب كمان بيضة الطريقة بقى نخلط الخميرة مع السكر والملح بميه دافية وبعدين نحط نص كباية مية على العسل واللبن يكون دافى ونحط كله فوق بعضه ونعجنه مع الدقيق وتكون العجينة طرية اطرى من عجينة القراقيش شوية وبعد اما تخمر كويس نقطعها بالشكل اللى بنحبه يعنى مدورة مثلا او طويلة او على شكل ضفيرة دا لو اللى بتعمل قرعة اوك؟ المهم بعد اما نقطعه نحطه فى صنية مدهونة بالزيت ونسيب فراغات كبيرة عشانها بتخمر اوى وبعد لما تخمر ندهن الوش بالبيض وسمنة وسمسم وبعدين نحطه فى الفرن ومتنسوش تعلوا الفرن عالاخر وتسيبوها وتروحوا تناموا عشان تتحرق كويس وترموها فى الزبالة هع هع بالهنا والشفا مع ارق تحياتى الشيفة فراشه الوادى
أهلا وسهلا بك زائرنا الكريم إذا كانت هذه زيارتك الأولى لمنتديات دق القلوب يشرفنا أن تقوم بالتسجيل بالضغط هنا ، أما إذا كنت أحد أعضاء دق القلوب الكرام فتفضل بتسجيل الدخول بالضغط هنا . لو رغبت بقراءة المواضيع و الإطلاع فقط فتفضل بزيارة القسم الذي ترغب أدناه. إدارة منتدى دق القلوب تتمنى لك قضاء وقتا سعيدا ومسليا ومفيدا مع تحيات المدير العام/حسين البدوي
مركز رفع الصور
الحجم
الأقصى لرفع الملفات 25 ميغا || الحجم الأقصى لرقع الصور 600
كيلوبايت