موقف شخصى يتكرر يثير الاستفزاز

ازيكوا يا جماعه بجد انا هحكيلكم على موقف بيتكرر معايا كتير ورد فعل الناس عليه بجد بيستفزنى
لما بدخل على شات مثلا او اى موقع للدردشه ببتدى التعارف مع الشخص اللى قدامى مهما كان جنسه او نوعه. الحوار بياخد مساره الطبيعى عادى جدا لحد ما نوصل للسؤال اللى مش بحبه او نقدر نقول ردى عليه مش بيعجب الناس ألا وهو (انت منين ؟)
* فى مره اتعرفت على بنت ع الشات وكده قلتلها انتى منين؟ قالتلى اسكندريه قالتلى (وانت منين؟)
قلتلها انا من (المنيا) ردت عليا بنفس اللفظ ده (صعيدى يعنى) بالظبط كأنى اخدت طوبه فى دماغى قلتلها تقصدى ايه يعنى ؟ قالتلى ولا حاجه وتقريبا متكلمتش تانى وعلى فكره مش دى المره الوحيده وده بيحصل مع كتير من الناس.
* وده موقف تانى: انا نزلت القاهره انا وابن خالتى فى مره كان عندنا مشوار هناك هنقضيه المهم دخلنا محطه المترو مش عارفين اى حاجه ومش عيب ان الواحد يتوه فى مكان جديد عليه
لقينا شاب كده ستايلش اخر حاجه قلتله لو سمحت يا كابتن انا عاوز اروح المكان الفلانى قاللى اوكى تعالى معايا انا سكتى نفس سكتك قولتله ماشى المهم ركبت معاه المترو وبدأ يحكى معايا وكده وللاسف وصلت للسؤال الوحش (انتوا منين ؟) ..... انا طبيعتى لبسى دايما بختاره بعنايه والى حد كبير بحاول يكون مظهرى كويس وابن خالتى كمان نفس النظام وده على فكره مش علشان نازل مصر لا دى طبيعتى والله وده مش مدح فى نفسى انى شيك وكده
المهم انا سمعت السؤال ورديت على الشاب ده قلتله انا من المنيا
راح بص كده علينا وقال كده بالظبط (من المنيا امال لابسين كده ليه ؟)
قلتله كده ازاى يعنى قاللى شيك يعنى وكده انا بصراحه سكت ومردتش معرفتش اقول ايه ؟


ودلوقتى يا جماعه لازم تسمعونى :
بصوا انا مش هتكلم عن الصعيد كله انا هتكلم عن بلدى المنيا بأعتبارها عروس الصعيد
بلدى بلد جميله جدا عندنا ناس متحضره جدا والله فيه دكاتره وظباط ومهندسين زى مصر يا بشر
عندنا شباب جامد جدا بيعمل شعره سبايكى وفريزاتشى وبيسقط البنطلون زى مصر يا بشر
عندنا بنات بتلبس باليرينا وبتحط مسكره زى مصر يا بشر
وانا مش بروح الجامعه بالناقه ولا ع الحمار ولا اليوم كله فى زرعه المشمش علشان موسم الحصاد ميعاده جه
يا جماعه فتحوا عقولكم واعرفوا الدنيا ماشيه ازاى وبلاش ترموا ودانكو للمسلسلات العربيه اللى سوأت سمعه الصعيد بجد الله يسامحهم
وبجد انا مش مسامح اى حد يغلط فى صعيدى لان الصعايده دول مصريين وجدعان جدعان بجد.
انا طولت عليكم معلش واتمنى انكم تشاركونى الله يرضى عليكوا

ميرسى ليكو يا جماعه

انت الى حظك وحش بتوقع فى ناس عندها تخلف حضارى
واصلا فكك منهم دى ناس عبيطه

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

يا مومو يا جميله
الله يباركلك

صعيدى لالالالالالالالالالالالالالالا

هههههههههههههههههههههههههه

انا صعيديه برضو على فكره بس مش من المنيا

جنب المنيا على طول

وفعلا الناس واخده فكره وحشه جدا على الصعيد

الصعيد قوى ياجماعه

وعادى برضو يعنى حته من مصر

مش جايين من كوكب تانى

يلا مع الوقت انشاءالله الفكره دى هتتغير

وعلى فكره انا مببقاش مكسوفه وانا بقول انى صعيديه بالعكس

مرسى ليك ياايس فعلا موضوع يستحق الشكر

الله الصعيد وجمالها والاقصر وقنا
ياااااااااااااااااااااااااه

والله انا زورت مناطق كتيره

يعنى نزلت الامارات ومكنتش اتمنى انى ازورها

لكن بتمنى اروح الصعيد والله العظيم والاقصر والحضاره

واشوف الجمال والروعه

بجد يا جماعه منطقه روعه

وعلى فكره

ناسها روعه لانى اتعاملت معاهم

طبعا عندنا معارض موبليا وفى ناس صحاب بابا من الصعيد والله لسه شايفهم قريب
كانوا بيشتروا موبليا يعنى

وناس محترمه جدا ومتحضره جدا جدا

فوق ما تتخيلوا

يااااااااااااه يا بختك يا محمد

كان نفسى اكون من قنا او الاقصر او اى مكان عندكم

بس بردو

الله يخليك الله يخليك ياحسين

مرسى ليك

ههههههههههههه
روعه
بجد
مشكووووووووووووووور

والله الموفق