من مذكرات واحده مخدوعه

-لكل البنات اللى داخلين على قصة حب عنيفه وبدات كل واحده اليومين دول تسمع كلام جديد على ودانها من ابن الجيران او ابن طنط دولت او حتى ابن الياهو ماسنجر على النت ..خلى بالك معانا كلام مهم جدا هنرسيكى على على لغة الاولاد اليومين دول علشان تبقى واعيه وفاهمهالمقصود بكل كلمه بيقولها لسان حبيب القلب وشريك العمر ان شاء ربنا ونويتو تتاهلو يعنى.. خليكو معايا
-لما يقولك انا حبيتك من اول مره كلمتك فيها مش عارف ارتياح غريب حصلى مش عارف عملتى فيا ايه يبقى ده معناه(عارف انك مش هبله وعارفه انى بستهبل بس اعملى نفسك مقتنعه)!
-ولما يفاجئك ويقولك على فكره ماضيكى ماليش دعوه بيه لانه حصل قبل ما عرفتينى يبقى ببساطه يقصد يقول ( بالراحه كده فهمينى ياماما عرفتى كام واحد قبلى )!
-لما يقولك انا مقدر صراحتك لانك حكيتى لى كل اللى فى قلبك على حبك القديم ودى صراحه نادره فى الزمن ده يبقى عايز يقول من غير زعل يعنى انتى بجحه اوى !
-لما يقولك فداكى انا خلصت كارت الموبايل على اتصالى بيكى يبقى معناه بيقولك انتى لو حسيتى على دمك شويه وتبطلى ترنى وتكلمينى مره واحده حتى يدى الرنات !
-لما يقولك على فكره اكتر حاجه بحبها فيكى عقلك الناضج وحبك للنقاش يبقى قصده الحقيقى نفسى اكسرلك دماغك الحجر دى !
-لما يجيبلك هديه ويقولك بس ايه رايك فى اللى جبتلك فيها الهديه ( اعرفى انه بيدعى من جواه ويقول يارب يكون نظرها ضعيف ومتخدش بالها انها شنطة هدايا قديمه كانت عندى!
-لما يتفاجىء بالعريس اللى جالك البيت ويقولك طبعا مصدق ان فى عريس جالك النهارده انتى هتكدبى ليه يبقى نفسه يقؤلك ياااه لسه فى بنات بتعمل الحركات القديمه دى !
لما يجامل ويقول انتى اموره اوى النهارده يبقى عايز يقول مش عارف ايه البلاوى اللى بيحطوها على وشهم دى !
-لما هيقول وهو متاثر بلاش تعيطى دموعك غاليه عليه اوى يبقى معناه خلاص بقى هتعيشى الدور ولا ايه وتعملى فيها شهيده!