ice but nice منور الكرسى

ايس اسمحلى اكون اول حد بعد حسين يسالك ومش تقلق الاسئله دى انت اللى حطتها بنفسك
وزى مااحنا جاوبناك عليها عايزه اسمع اجابتها منك

صف نفسك بكلمتين فقط ؟


2- ما هو الشيء الذي ندمت على عمله ؟


3- اخر شخص تتذكره قبل ان تنام ؟


4- جريمة تتمنى لو تستطيع ارتكابها ؟


5- شخص لطالما حلمت به ؟


6- دمعة انذرفت رغما عنك ؟


7- موقف صدمك ولن تنساه ؟


8- شخص تتمنى الانتقام منه ؟


9- شخص لا تستطيع مسامحته ؟


10- شيء او شخص غير مجرى حياتك ؟


11- حلم لا تستطيع تحقيقه ؟


12- كلمة تود سماعها كل يوم ؟


13- صفة سيئة بك تتمنى ان تتخلص منها ؟

اتمنى لك التوفيق واننا مش نكون ازعجناك والكرسى يكون مريح

اهلين بحبيبنا وأخونا ان شاءالله تكون مبسوط ومنور انا بعدني مافطرت لما افطر و اصحصح رح احضرلك اسئلتي

في امان الله

طبعا يا حسين انا مش عارف اقول ايه
اولا بشكرك على تقديمك الرائع ده يا ريس واتمنى ان شاء الله انى اقدر اجاوب على كل اسئلتكم والكرسى ميطلعش متعب وانا والله اتفاجئت لما لقيت نفسى على الكرسى.
نبدأ باسم الله
بطاقتى الشخصيه :
الاسم : محمد احمد
السن : 19 سنه وشويه
العنوان : المنيا (عروس الصعيد)
المهنه : طالب فى الفرقه التانيه كليه الصيدله - جامعه المنيا
هوايات : الانترنت
رياضاتى المفضله جدا جدا : تنس الطاوله - السباحه
واخيرا : والله العظيم والله العظيم انا بحب كل حاجه فى الدنيا ( بحب اهلى واصحابى وكل عضو موجود هنا فى المكان ده وبحب كل الناس) - دايما متفائل ودى نعمه بحمد ربنا عليها
واكتر حاجه بتخنقنى ودى وحياه ربنا بجد ان حد يكون متضايق منى او واخد منى موقف ولو انا غلطان فى حد لازم اعتذر.

اولا ميرسى ليكى يا مشمشه على مشاركتك والواضح كده انك هترديلى القلم وتخلينى اجاوب على اسئلتى ههههههههههههه بس ان شاء الله ربنا يستر.......

1) صف نفسك بكلمتين فقط ؟
متفائل - بحب الناس

2)ما هو الشيء الذي ندمت على عمله ؟
الحقيقه انا قبل ما اخد اى قرار بحاول اكون حكيم فيه وبشاور فيه المقربين ليا علشان كده لسه موصلتش للندم على حاجه

3)اخر شخص تتذكره قبل ان تنام ؟
اى حد عمل معايا موقف جدعنه اثناء اليوم اكيد بفتكره قبل ما انام

4)جريمه اتمنى ارتكابها ؟
انى الاقى طاقيه الاخفاء والبسها واتجول فى مستوطنه اسرائيليه ومش هخلى فيها حد سليم بجد هدمرهم

5)شخص لطالما حلمت به ؟
حبيبه العمر والتى لم تتضح معالمها بعد


6)دمعة انذرفت رغما عنك ؟
اى موقف بيحصل معايا وبجد بيأثر فيا بتنزل دموعى غصب عنى


7)موقف صدمك ولن تنساه ؟
كان فيه حد اعرفه كده وكنت واثق فيه كل الثقه ومره واحده صدر منه موقف معين عينى مقدرتش تستحمله وللاسف خسرته للابد

8)شخص تتمنى الانتقام منه ؟
اى حد يظلمنى او ياخد حقى

9)شخص لا تستطيع مسامحته ؟
اللى يتصرف على حساب كرامتى لان للاسف معدش لينا غيرها

10)شيء او شخص غير مجرى حياتك ؟
التحاقى بكليه الصيدله رسملى طريق وردى للمستقبل

11)حلم لا تستطيع تحقيقه ؟
مفيش حاجه بعيده على ربنا وطول ما الانسان عايش يقدر يعمل اى حاجه

12)كلمة تود سماعها كل يوم ؟
(انا بخير ) ودى من اى حد عزيز عليا

13)صفة سيئة بك تتمنى ان تتخلص منها ؟
سهل ان حد يستفزنى بكلامه

اتمنى انى اكون جاوبت بصراحه على قد ما اقدر ليكى
وفى انتظار باقى الاسئله من اعضائنا الكرام.......

ميرسى ايس لتقبل الاسئله
بجد اجاباتك منطقيه وجميله
اتمنى انك تكون مبسوط على الكرسى
واتمنى ان المزيد من الاسئله مش يزعك يادكتور

مشمشه انا مبسوط اوى على الكرسى
ومفيش اى اسئله هتزعلنى او تضايقنى وان شاء المولى مستعد لاى اسئله..

مومو
(وحشتينا بجد) بلاش تطولى الغيبه عننا علشان انتى اكيد عارفه الناس هنا بتحبك قد ايه.


بقى كده يا مومو داخله عليا كده بقلب جامد ماشى يا منى
وع العموم انا لو كنت طلتك وانتى على الكرسى مكنتش رحمتك بس احمدى ربنا انا كنت مسافر وملحقتكيش...هههههههههههه

ونجاوب على الاسئله :
1) هل ندمت فحياتك على شي معيّــن ؟؟؟
الحقيقه انا قبل ما اخد اى قرار بحاول اكون حكيم فيه وبشاور فيه المقربين ليا علشان كده لسه موصلتش للندم على حاجه


2)مالفـرق بين الحب والصداقة ؟ وهل يمكن ان يسلكا طرق الغيرة 00؟
الحب : اسمى شى فى الوجود وعلى فكره مش المقصود بالحب( حب الحبيب او الحبيبه)
لأ الحب معنى كبير شامل كل انواع الحب (حب الله - حب الوطن - حب الاهل - ......)
ومحدش فى الدنيا يقدر يعيش من غير حب لان ده شى فطرى موجود فينا.

الصداقه : الصداقه من الصدق والمقصود من كلمه صديق انك بجد تلاقى مرايتك اللى بتعكس كل ايجابياتك وسلبياتك واللى بجد بيفضلك على نفسه وتقريبا ده مش موجود دلوقتى.

الفرق بقى بين الحب والصداقه : ان الحب يشمل (حب الصديق) لكن الصداقه ممكن تكون صداقه مصلحه من غير اى حب. وممكن يا منى يكون فيه غيره بس مش كل الناس.


ما رأيك بهذه الكلمات ؟؟
الخيانه : حاجه صعبه اوى وخصوصا لو كانت من اقرب حد ليك
الصداقه : كلمه جميله جدا ياريت الناس تفهم معناها
النميمه : حاجه ربنا مش بيحبها ياريت منعملهاش
النفاق : ربنا يعافينا منه



هل انت راض عن نفسك ؟؟
الى حد كبير راض عن نفسى بس مفيش حد كمننا (كامل) بس بحاول طول الوقت والله انى احاسب نفسى على كل اللى بعمله.


وما هي المجالات التي تتمنى ان تأخذها منهاجا في حياتك ؟؟
المنهاج الوحيد اللى اؤمن بيه ومش فيه اى شكوك (القران الكريم وسنه رسول الله صلى الله عليه وسلم)


ماهي اجمل اللحظات في حياتك ؟
اجمل لحظه فى حياتى يوم ما جتنى رساله تنسيق الثانويه العامه وكان مكتوب فيها :
(بوابه الحكومه المصريه تهنئك لترشيحك لصيدله المنيا) وده لانى بحب كليتى جدا جدا جدا جدا جدا .........


ما هي احلى كلمة قيلت لك ؟؟؟
دعوه جدتى ليا ربنا يابنى يعلى مراتبك وتبقى احسن الناس)


ايه الحاااجه اللي يخلي محمد فرحاان؟
والله الحاجه اللى تبسطنى انى اخلص دراستى اولا ويكونلى مستقبل باهر مستنينى


كلمه سمعتها ودايما على بالك ولاتقدر تنساها ؟
( ذاكر يا حبيبى علشان تنجح ) دى الحاجه الوحيده اللى محدش يقدر ينساها.هههههههه


شو المكان اللي ماتحب تروحله ابد لكن تروحله وانت مغصوب ؟
المدرسه وانا صغير( يا ساتر).


ايه ارايك فى مومو(منى) بصرااااااااحه ؟؟؟؟؟؟؟؟؟
بجد اجمل صديقه انا قابلتها فى حياتى شخصيه مثقفه وجميله
بس فيه نقطه سودا كده اكيد انتى عارفاها بس انا سامحتك فيها لانى انا بجد عارف مين هى منى .


وع العموم ماشى يا مومو ده انتى سويتينى على الجنبين الله يسامحك يا شيخه
وليك يوم يا ظالم.هههههههههههههه
نورتينى يا مومو يا قمر واتمنى ان الاجابات تكون مقنعه وتلقى القبول .

اهلااااااااا بيك ايس منور كرسى الاعتراف

ونبدا لجنه الامتحان

السوال الاول\ ماهو هدفك فى الحياه ؟؟؟؟؟؟

2\صفه فيك تحبها وصفه فيك تكرها؟؟؟؟؟؟؟

3\ ماهو اكثر شى يعصبك؟؟؟؟؟؟

4\باقه ورود لمن تهديها؟؟؟

5\ باقه شوك لمن تهديها؟؟؟؟

6 واخيرا\ صف نفسك بكلمات قليله كما يراك الناس؟؟؟؟؟

انتهت الاسئله
ممنوع الكتابه ع ورقه الاسئله هههههه

بالتوفيق يا ايس وبانتظار ردك

منوره الدنيا كلها يا بسمه و على الاسم الجديد وان شاء الله هحاول بقدر المستطاع انى اجاوبك بكل صدق وصراحه وصدقينى مش هخبى اى حاجه وهتبع التعليمات المكتوبه على ورقه الاسئله علشان ربنا يعديها على خير ....ههههههه

1)ماهو هدفك فى الحياه ؟؟؟؟؟؟
اولا هدفى انى اكون صيدلى ناجح احافظ على شرف مهنتى وثانيا انى اكون اسره جميله ربنا يكون راضى عنها


2)صفه فيك تحبها وصفه فيك تكرها؟؟؟؟؟؟؟
الصفه اللى بحبها (التواضع) ودى نعمه من عند ربنا سبحانه وتعالى
الصفه اللى بكرهها فيا انى سهل ان حد يستفزنى بكلامه او بموقف ما


3)ماهو اكثر شى يعصبك؟؟؟؟؟؟
اكتر حاجه بتضايقنى ان حد يسألنى سؤال وهو عارف اجابته


4)باقه ورود لمن تهديها؟؟؟
اهديها لأختى الجميله اللى بحبها اكتر من نفسى ومن الدنيا كلها


5)باقه شوك لمن تهديها؟؟؟؟
لأى حد يسى للاسلام او يسب رسول الاسلام (محمد) صلى الله عليه وسلم


6)صف نفسك بكلمات قليله كما يراك الناس؟؟؟؟؟
بصى يا بسمه الحاجه الكويسه اللى هقولها ياريت متعتبريهاش فخر او غرور ربنا يعافينا منهم اما بقى الحاجه اللى مش كويسه فيا نسأل ربنا انه يزيحها منى
(متفائل جدا - عصبى شويه صغيرين - بحب كل الناس - متواضع الى حد كبير-
واخيرا بحمد ربنا على كل اللى يجيبه)

اتمنى يا بسمه انى اكون قدرت اوصل اللى جوايا من خلال ردودى على اسئلتك الجميله دى وتكون ردودى مقنعه الى حد ما وربنا يستر من باقى الاسئله اللى جايه

ليكى

اوكى نبدا التصحيح :study:
امتياااااز مع مرتبه الشرف
يا ايس ع اجابتك للاسئله
وبالتووووفيق

هههههههههههههههههههههههههههههههههههههههههههههههههههههههه


ماااااااااااااااااااااااااااشى



هعمل انى ماشفتش حاااااجه خااااااااااااالص


الله يكون فى عونك

يسلمووووووووووووووووووو محمد

امتياز مره واحده ده انا عمرى ما عملتها فى الكليه ههههههههه
يسمع من بقك ربنا ان شاء الله.

ايس ياريت تختار مين بعدك لان اخر يوم ليك انهردا

منور الدنيا كلها يا عندليب بس الاسئله كتيره اوى يارب وقت الامتحان يكفى واقدر اجاوب على كل الاسئله ....نبدأ باسم الله .

هل انت تفعل ما تقوله هنا بالمنتدى ؟
والله على قد ما بقدر وأى كلمه بتطلع من لسانى بحاول اعمل بيها والا مكنتش قلتها من الاول

2_ اعتذار تريد ان تقدمه لمن؟
لأى شخص جرحته او غلطت فيه من غير ما اقصد


3_ ما ردة فعلك عندما يقول لك حبيبك : أحبك نعم أتزوجك لا ؟
يبقى الحب ده مالوش لزوم وهينتهى قريب جدا فى يوم من الايام

4_ ماذا ستكتب لنا لتعبر عن حياتك التي عشتها الى الان في كلمات قليله ؟
انا حياتى عاديه زى كل الناس فيها ال وفيها اللى مش
الحاجه الكويسه فضل من عند ربنا سبحانه وتعالى والحاجه الوحشه بدعى ربنا انه يزيحها عنى بس..

5 اذا اردت ان تبكي الان , فعلى من تبكي؟
ابكى على اى شخص ميقدرش اى نعمه موجوده فى ايديه وهو مش عارف قيمتها


6_ من ستختار ليمسح دموعك ؟
اختى..

7_لو خيروك بين حبيبك وبين اعز صديق فمن تختار ؟
اعز صديق.

8_ماهو تقييمك لهذا المنتدى بصراحه ؟
المنتدى مش محتاج انى امدح فيه او اتكلم عنه والا مكنتش دخلته واشتركت فيه

9 من يسكن قلبك؟
كل الناس اللى تعرفنى وبجد بتحبنى من غير اى مصالح


10 هل تعتقد ان حظك سيئ؟
لأ انا راضى باللى كاتبه ربنا ومش معترض

12 هل هزمك حزنك في يوما من الايام؟
لأ محصلش وان شاء الله مش هيحصل.


13_ ((مستحيل انساك)) لمن تقولها ؟
لأى حد بجد ساعدنى من قلبه ووقف جنبى.

14_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا
تقصد بها ؟
اقصد بيها العمر اللى عدى بكل ما فيه من ايجابيات وسلبيات واللى لا يمكن انه يرجع تانى.


15_ (( انت كل شيء بحياتي )) لمن تقولها ؟
لأمى اولا ثم لزوجه المستقبل ثانيا.


16 متى اخر مره بكيت؟
بجد مش فاكر لان دموعى غاليه عليا اوى ومش بتنزل بسهوله


17_ اي الدول تتمنى ان تزورها ؟
ايطاليا أو فرنسا


18_هل لديك الجرأه ان تقول عمرك أمامنا ؟
19 سنه وكام شهر كده

19_هل انت راضي عن نفسك ؟
الى حد كبير رب العالمين


20_بماذا تقر وتعترف أمامنا الان ؟
اقر انا المذكور اعلاه الساكن فى العنوان اياه بأن الصبر عليا صبر طعم المر فى قلبى كبر....ههههههههههه فينك يا منير
الحقيقه مفيش حاجه احب اقر بيها لأن انا مفيش حاجه بخبيها.


21_ اغمض عينيك دقيقه لو سمحت, ماذا خطر على بالك وانت مغمض العينين ؟
والله كل حاجه جميله.

22_هل تؤيد الزواج العاطفي ام الزواج التقليدي ؟ ولماذا ؟
الزواج العاطفى وده علشان بس يستمر مش اكتر


23_ايهما اهم شهادتك الجامعيه أم الزواج ممن تحب ؟
دست على الجرح مش هقدر اجاوبك لان دول بالذات فى مقدمه اهاتى بعد رضا ربنا سبحانه وتعالى ومش هينفع اختار بينهم.

24_ هل من الممكن ان تتحول الصداقه الى حب ؟
ممكن جدا ليه مش ممكن.

25_هل تعترف بشيء اسمه الصداقه بين الرجل والمرأة ؟
بص انا مش هقدر اقولك اذا كان عيب او حرام يعنى بس انا عن نفسى بعمل ده (الصراحه ه برضه) وانا ليا اصدقاء بنات بس كل حاجه ليها حدود ودى اهم حاجه.

26_هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
لأ محصلش

27هل انت مدمن تفكير؟
مش اوى بس لما يكون قرار مصيرى ممكن افكر بتمعن

28 من هو اكثر شخص تفكر فيه؟
أى حد جدع بجد اكيد بفكر فيه.

29_ اذا تم تعيينك ملكا لجميع البلاد العربيه فما اول قرار ستتخذه ؟
اول قرار اكيد انى اخلق حل لمشكلات الاحتلال دى

30_هل تكره شخص بشده في حياتك ؟
لأ

31_ ما هو اقتراحك الذي تتمنى ان يحدث في هذا المنتدى ولم يحدث الى الان ؟
هو حاليا مفيش بس لو اى حاجه جت فى دماغى وانا بجد عاوز اشوفها موجوده فى المنتدى اكيد هقول عليها

32هل ملابس الشخص امامك تؤثر فيك لتأخذ عنه انطباع ؟؟
اكيد لأ طبعا بس ده مش معناه ان الشخص ميلبسش كويس


34 اذا احببت شخصا في الوقت الخطأ وفي المكان الخطأ فماذا تفعل ؟؟
هخلى الموضوع فى دماغى لحد ما الوقت الصح ييجى ولو مجاش هصرف نظر عن الموضوع



35 حكمة تؤمن بها جدا؟؟
احفظ الله يحفظك احفظ الله تجده تجاهك



36 عاده تفعلها دائما تتمنى ان تتركها ؟
لما بنستلم حد فى قعده ضحك مش بنسيبه غير لما نقطع فروته (بس انا برضه بييجى اليوم اللى بيستلمونى فيه)هههههههههه


37 ماهو اجمل اسم لولد واجمل اسم لبنت من وجهة نظرك؟
اجمل اسم لولد (اياد)
اجمل اسم لبنت (بريهان)



38 ماذا تفعل اول شيء اذا ربحت ملايينا او مليونا عشان مانكون طماعين؟
هعيش حياتى وبس وهعمل كل اللى فى نفسى بس زى ما بيقولوا الفلوس بتعمى
واتمنى انها متودينيش لحاجه مش كويسه ايا كانت



39_ هل انت من لديهم رغبة حب التملك واذا تملك الشيء اصابه الملل منه ؟
لأ والله انا مش كده خالص



40 _ مارأيك في صاحب الموضوع بصراحه ؟
الله يعطيك الف عافيه ومش هقول اكتر من كده


الاسئله خلصت وانا كمان خلصت انا حاولت على قد ما اقدر اجاوب بصراحه
وفى نفس الوقت اقتصر فى الاجابات لان الاسئله كتيره اوى
ليك يا عندليب.

خلاص النهارده اخر يوم ليا على الكرسى
يارب اقدر اكون جاوبت على كل الاسئله وكل الحاجات اللى كنتو عايزين تعرفوها منى
وانا والله العظيم حاولت على قد ما اقدر انى اجاوبكم بصراحه ومن غير اى كذب او تجميل فى كلامى.( رب العالمين).


انا هختار.......



قلب الحب ( محمد ماضى )
يلا شد حيلك يا معلم وبالتوفيق...

هههههههههههههههههههههههههه

اختيار موفق

هتموت يا محمد

على الكرسى


و ليك ايس