هل مازالت الفتاة مظلومة بمقارنتها مع الشباب برأيك؟؟

1. إذا تعرفت البنت على واحد ... فهي مو محترمه
و إذا تعرفالولد على وحدة ... فهذا طيش شباب

2. إذا البنت حبت ... قالو واااخزياااه مايصير وزوجوها أول واحد يطق الباب
و إذا حب الولد ... قالو يحليله كبر وصار يحب

3. إذا البنت تأخرت شوي برا ... تلقالها كلمتين عالطاير من أهلها غير حش الجيران
و إذا الولد تأخر ... قالو لايكون صار فيه شي

4. إذا البنت تلعب بلايستيشن ... قالو خبلة لو تقرالها كتاب ولا تتعلم الطبخ أحسنلها
و إذا الولد يلعب ... قالو يحليله شاب ويبي يتسلى احسن من الدجة بالشوارع

5. إذا البنت تكشخت ... فهي رايحة تستعرض ونيتها مو زينه
و إذا الولد تكشخ ... فهو ماشاء الله عليه مهتم في نفسه ونظيف

6. إذا البنت غلطت ... عطوها محاضرة في الشرف والأخلاق و الدين غير الكم كف اللي يجيها عالطاير و إذا الولد غلط ... قالوله ليش ياولدي مرة ثانية انتبه

7. إذا البنت طولت في التلفون ... قالو اكيد عندها مصيبة وانواع التنصت ذاك اليوم
و إذا الولد طول ... قالو يحليله أكيد يتكلم في الشغل

8. إذا البنت تبكي ... اكيد شي تافه
و إذا الولد يبكي ... أكيد شي قوي

9. إذا البنت شاطرة في شي ... قالو شي تافه وبسيط
و إذا الولد شاطر في شي ... قالو اش العبقرية هذي


هل مازلت تشعر بهذا الاحساس؟؟

هل مازالت الفتاة مظلومة برايك بالمقارنة مع الولد؟؟

بانتظار ردودكم