لو هتفهم اهلا وسهلا ولو مش هتفهم متتعبش نفسك

كان فى واحد خلاص كان رايح ينتحر وخلاص هيرمى نفسه فى البحر
بس سمع صوت عالى من بعيد بيقول يامجنون يابن المجنونه
استنى عندك انت بتعمل ايه استنى عندك

الرجل وقف مش عارف يعمل ايه
كان راجل عاجوز جاى نحيه وقعد يقوله كلام كتير يأنبه على الى هوا بيعمله دا
ويقوله ازاى تعمل كدا حرام عليك انت عاوز تموت كافر
وساله ايه بس يابنى الى خلاك عاوز تنتحر
فرد الراجل مشكله عائليه كدا ياعم الحاج معقده شويه
راح عمك الحاج رد عليه وقال ازاى يابنى مفيش مشكله الا وليها حل
احكى احكى يابنى
راح الراجل بدأ يحكى حكايتو
اسمعو بقى......
ياعم الحاج انا اتجوزت واحده ارمله وعندها بنت مراهقه
ولما كبرت البنت دى ابويا شافها وحبها واتجوزها
وبقيت غير انى ابنه لا كمان جوز بنتى
وبقيت حماه لان مراتى حماته
وانا خلفت من مراتى ولد وبقى الولد سلف ابويا
وعلشان ابنى هو اخو مرات ابويا الى هى بمثابه خالتى بقى ابنى يعتبر خالى
وبعد كدا ياعم الحاج

عم الحاج انت نمت لا فوق معايا وصحصح خليك مركز

ماشى يابنى كمل انا معاك

بعد كدا خلفت مرات ابويا ولد يعتبر اخويا من ابويا
وفى نفس الوقت حفيدى علشان هو حفيد مراتى من بنتها وبما ان مراتى بقت جده اخويا من ابويا فهى بالتالى جدتى وانا حفيدها
وبكدا بقيت انا جوز جدتى وحفيدها فى نفس الوقت
وكمان علشان هى جده لاخويا فانا كمان بقيت جد لاخويا
وبناء عليه اكتشفت انى بقيت جد نفسى او حفيد نفسى لاننى....
وهنا الراجل العجوز قاله اسكت
كفايه كفايه

وقام ورماه فى البحر وهوا بيقول
الله يلعنك ياشيخ ويلعن اللى يفكر ميخلكش تنتحر...