لماذا تحب البنات المعاكسات؟

إذا كنت ممن يعتقدون أن المعاكسات من الأشياء المنبوذة التى ينبغى محاربتها، فعليك أن تقرأ هذا الموضوع لتتأكد أن هناك فئة من الفتيات "بتموت فى المعاكسة" لسبب واحد لا ثانى له أنه "بيحسسها بنفسها" لذلك أصبحت حملات التوقف عن المعاكسة واحترم نفسك واحترمى نفسك من الأمور التى تزعج تلك الفتيات والسبب فى السطور القادمة.
"وفيها إيه لما يقول لى يا قمر ويا جميلة أو يا عسل، الدنيا متهددتش ولا القيامة قامت "بعض الفتيات ومنهن نسمه " (20سنه)م "

تعتبر المعاكسات شيئا طبيعيا، وما هو إلا إبداء لإعجاب الشاب بالفتاة "يبقى فين المشكلة؟" وتضيف إحدى الفتيات التى رفضت ذكر اسمها أن الجمل التى يعتقد البعض أنها تخدش الحياء ليست إلا مجرد تعبير عن احترام الرجل لجمال المرأة "فليه نحاربها؟؟"

"المعاكسات هى إللى بتحسسنى إنى أنثى" تحتاج بعض الفتيات إلى المعاكسات لتشعر بأنوثتها، وخاصة البنات "إللى هتموت وتتعاكس" تقول حنان " ع " (20 سنة) إن المعاكسات هى جمل تردد على مسامع "البنات الة" ليس بها أى ضرر ولا توجد فتاة على وجه الكرة الأرضية لا تفرح من داخلها "وممكن تعمل فرح" إذا قال لها شاب "يخرب بيت جمال عنيكى" وتذكر دينا " ج " أنها لا ترفض المعاكسة إذا لم تخرج عن حدود الأدب وتطرح فكرة أن المعاكسة يمكن أن تكون بداية للتحرش الجنسى.

فهل المقصود بالمعاكسة تلك النظرات التى تلتهم الفتيات أثناء سيرهن فى الشارع أم تلك الجمل الفظة التى تسبق خطوة التحرش الجنسى؟
"المرايا ممكن تكدب لكن المعاكسة مش هتكدب عليه" فالشباب بالنسبة لبعض الفتيات المرآة التى ترى فيها نفسها متأثرات بحكاية سندريلا "يا مرايتى يا مرايتى قوليلى أنا ة النهاردة" ولكن الإجابة لا تأتى "بنعم مولاتى إنتى أجمل نساء العا

لم جمالا وخلقا وأدبا" إنما تكون إجابة الشاب "حبيب قلبى.. خربش.. روووح ".

وأشارت مى حمدى (21 سنة) لتبرير حبها للمعاكسات "أول حاجة الناس بتشوفها هى شكلك ومظهرك" وتقول "المظهر هو إللى بيخلى الناس يحترموكي، فإذا نزلت الشارع ولم أهندم نفسى أو لبست أى لبس مش هتعاكس زى ما بنزل فى كامل أناقتى".

وقالت سلمى " ج " (19 سنة) "حاجة أتعودت عليها طول حياتى وبحس بالنقص لو لم أعاكس ولو ليوم واحد " فالمعاكسات من الأشياء الروتينية التى أدمنتها بعض الفتيات لدرجة الشعور بالضيق إذا لم يتعرضن للمعاكسة.

آمين يارب

لمرورك

والله يا بسمه بموضوعك ده فعلا ممكن تكونى زعلتى كتيييير من البنات واللى فعلا بتتحب انها تتعاكس والسبب ان الكلام ده بيحسسها بأنوثتها
احب اقولهم حاجه ان مش كلمه ياجميل او يا قمر او يا عسل او يا سكر هى دى اللى هتحسسها بأنوثتها والسبب ان ممكن الشخص اللى واقف وقالك الكلمه دى واقف من بدرى وعدت عليه 251354 واحده من عينتك وقالها نفس الكلمه فيه منهم فعلا اللى عسل وسكر وفيه منهم اللى شبهك (اى بنت بتحب تتعاكس) وبعدين يعنى انا مش فاهم تفتكرى يعنى الشاب اللى بيقعد يعاكس فيكى ده شغال حكم فى مسابقه التحكيم الدولى لملكه جمال العالم وعلى فكره الكلام اللى بيقولهولك ده ممكن اساسا يقوله وهو مش مركز مع وشك ولا شاف شكلك ولكن معجب بالجته اللى معديه (سامحونى فى اللفظ علشان فعلا اتغظت) اكيد دى حاجه متبسطش بنت وبعدين انتى لو سمحتيله اول مره انه يتكلم المره التانيه مش هيكتفى بالكلام وعلشان كده ياريت كل بنت تخاف على نفسها احسن
انا طولت عليكم متزعلوش منى.........

عندك حق والله يا محمد
ربنا يستر و يحفظهم


و على الموضووع يا سميلي

الموضوع فعلا مشكه يا سميلى

بس ياترى ايه الحل؟؟

ان الولاد يغضوا ابصارهم؟؟


ولا البنات تلبس لبس محترم؟؟

انا حرد على كلامك يا طير وقول
ان البس المحترم شيى اساسى بس اية رايك لما البس ىكون محترم وتلاقى برضة معاكسات يعنى لاز م يكون غض البصر شىء اساسى

انا اايد كلام ايس وبجد ربنا يحمية بس حعلق على كلامك

إذا كنت ممن يعتقدون أن المعاكسات من الأشياء المنبوذة التى ينبغى محاربتها، فعليك أن تقرأ هذا الموضوع لتتأكد أن هناك فئة من الفتيات "بتموت فى المعاكسة" لسبب واحد لا ثانى له أنه "بيحسسها بنفسها" لذلك أصبحت حملات التوقف عن المعاكسة واحترم نفسك واحترمى نفسك من الأمور التى تزعج تلك الفتيات والسبب فى السطور القادمة.
"وفيها إيه لما يقول لى يا قمر ويا جميلة أو يا عسل، الدنيا متهددتش ولا القيامة قامت "بعض الفتيات ومنهن نسمه " (20سنه)م "

المعاكسات عمرها ما تبقى شيىء جميل عارفة لية عشان المعاكسة بتبين ان انتى عاملة حاجة شجعت الولد ان يعمل كدة ومش كل البنات بيحبوا المعاكسة
اللى بيحبوا المعاكسات سورى بج مش محترمين

ده مش كلامى ولا رابى يا قلب

انا بسال الناس وكنت مستنى الاجابه لكن ده مش كان راى ان البنات تلبس محترم ومش هتلاقى معاكسات

وبصراحه مفيش بنت بتبقى ماشيه محترمه وواحد يعاكسها مشوفتهاش

كل ما اشوف مواقف من دى بلاقى البنت مش مظبوطه اصلا

وهيا اللى بتكون عاوزه كدا


عشان زى ما قالوا تحس بنفسها او الله اعلم بقى

ظااااهره المعاكسات
حقيقى بقيت مشكله كمان بقيت مصيبه
ومحتاجه نقاااش كتييير
وانا مع الطير الحزين ف فكره
مين السبب البنت ولا الشااب ؟؟
البنت بلبسها او تبرجها او تعطرها
ولا الذئاب البشريه اللى بيخدعوا فرائسهم بالكلام المعسول
(اذا رايت انياب الليث بارزه فلاتظن ان الليث يبتسم)
بس مش معاك ان تظلم اى بنت مش ذنبها انها ماشيه ف الشارع باحترامها واتعاكست
وف شباب كدا كتير بيعاكس كدا وخلاص حتى زى ما ايس قال من غير ما يشوف شكلها اى بنت بيعكسها كمان لو لبسه محترم ولو نمله عدت جانبه بردو حيعكسها
بس ده شباب مريض ولو كان ف عقاب ماكنتش بيقت الظاهره دى موجوده
عارفين كمان المجتمع السعودى امر فيه الامير فهد بن عبد العزير بالقبض ع الشباب اللى بتعاكس وبمعاقبتهم بالجلد ف المكان الى عاكسو فيه او باحلتهم الى الشرطه

بس ده شباب مريض


ده كلامك يا ملاك

بس ده بعض الشباب اللى بيعاكسوا


احنا بنتكلم على الشباب ككل

الشباب ككل
ع فكره مش كل الشباب اصلا بتعاكس ف شباب عمرها ما بتعاكس ومحترمه نفسها
واكيد طبعا الشاب اللى يعاكس بس لمجرد التسليه بنت ماشيه باحترامها يبقى مريض
وبالنسبه للشباب ككل فانا قولت راى ان الذنب ع البنت الللى لبسها مش محترم عشان تجذب الانتباه اليها
وكمان ع الشاب اللى بيعكسها
بس والله ف كل الحالات
الشاب اللى بيعاكس ده
مرررررررريض
عشان لو كان انسان عاقل مش حيعاكس وكان اكتر قول ليه لبنت مش محترمه لبسها لا حول ولا قوه الا بالله
ممكن دى تكون رد فعلا حيحسها هى بالخجل من لبسها
مش ايه الجمال ده وانتى قمر والحاجات دى

انا بقول على الشباب اللى بيعاكس ككل

لاكن مش قصدى اعمم الشباب كلهم

انا بؤيد راي ملاك
فعلا ياحسين مش كل الشباب كده ومش كل البنات برده بتحب المعاكسات

في بنات كتير لبسها محترم وما شيه محترم ومع ذلك بتتعاكس

ده مش ذنبها هتعمل ايه اكتر من انها ماشيه ولبسه محترم
ده بقي بيبقي مريض لو عكسها بجد

وبعدين كمان في بنات مش لبسها محترم وماشيه محترم لا طيب ما في بنات منقبه ومع ذلك بتتعاكس
ده اللي بيعاكسها ايه يبقي مريض ولا لاء طيب ده شايف ايه يعاكسها عليه

يا يويو انا ماقولتش ان كل الشباب كدا

لاحظى ان انا شاب يعنى

بس انا كنت بكلمها عن كل الشباب اللى بيعاكسوا لكن مش كل شباب مصر يعنى