امتحان جامد موز و عنب و تفاح و كل الفاكهه بجد امتحان جامد اخر حاجه

علشان الامتحانات علي الابواب و قربت خلاص فقولت اعمل حاجه مفيده في حياتي و اساعد زمايلي و ادربكوا علي طريقه الاسئله علشان متدخلوش الامتحان تتخطوا من الاسئله
و ده طبعا احلي يوم في حياة كل طالب عارفين ليه ؟ لان ده اليوم اللي كل طالب بيطلع كل اللي في دماغه و كل اللي اعد يحشيه في دماغه قبل الامتحانات علشان يسبها بعد كده فاضيه و نظيفه
المفروض انك اول لما تاخد و رقه الاجابه تسطرها و تظبطها علشان تكون جاهزه للفرم اللي هيحصلها
و جه وقت ورقه الاسئله و اني اعرفكوا طريقه الاسئله
اولا /اكتب بيانات البروفايل بتاعك
الاسم...................
رقم موبيلك...............
الايميل.........................
السيبر المفضل.........................
ثانيا/ الاسئله
السؤال الاول/اختار من بين الاقواس الكلام الصح
1-حنان ترك اتحجبت يعني....................(لبست شوز/لبست ساعه/لبست طرحه او ايشارب)
2-اللي بني هرم خوفو...................(طلعت مصطفي/المقاولون العرب/مقاول عادي/خوفو)
3-اللي بني بني مصر كان في الاصل..................(حلاق/نجار/تاجر مخدرات/اني)
4-البرنامج اللي بيجي ع القناه الاولي كل يوم الساعه 7.00 صباحا و محدش بيتفرج عليه خالص برنامج صباح الخير (يا ماما/يا بابا/ يا خالو/ يا مصر)
5-مصر هي امي نيلها جوه (فمي/رجلي/جيبي/دمي)
6رئيس مصر القادم السيد(جمال مبارك/جمال مبارك/جمال مبارك/كل ماسبق)
السؤال التاني/ اكمل الجمل الاتيه بكلام من الاخر
1-انتبه من فضلك السياره ترجع الي......................
2-ماما زمنها........................
3-طالع ادب نازل ادب لقيت الدب بيأزأز....................
4-اسم والد الاعب عماد متعب الحاج....................... السؤال ده بالنسبه للاهلاويه
5-اسم والد الاعب عمرو زكي الحاج.......................السؤال ده بالنسبه للزملكاويه
السؤال التالت / ضع علامه nike (صح) او علامه غلط امام الكلام الجاي
1-بابا فين بابا ؟؟ بابا هنا ..قوله مين ؟ قوله عمو ( )
2-الشعب دايما في خدمه الشرطه ( )
3-اللي بيته من سيراميك ميحدفش الناس بالبلاط ( )
4-شاي الجوهره حته سكره ( )
5-يحكم مصر النظام الملكي ( )
انتهت الاسئله مع تمنياتي بالنجاح و التوفيق ....................miss admin
طبعا ده امتحان محصلش و لا هيحصل
بس ايه رائيكوا لو الامتحانات كده؟؟؟؟؟؟؟؟